ໄຣອັ້ນ ເດ ຊະນະ ມາກ ອາວເລນ 10-7 ເຟຣມ ຄວ້າແຊ້ມ ສະນຸກເກີ British Open ຄັ້ງທຳອິດ!!

ການແຂ່ງຂັນສະນຸກເກີ ລະດັບໂລກ ລາຍການ British Open 2022 ທີ່ສັງວຽນ ມາຣເຊວ ອາຣີນ້າ ເມືອງມິວຕັນຄີນ ປະເທດອັງກິດ ຮອບຊິງຊະນະເລີດປີນີ້ ເປັນຄູ່ຊິງໜ້າໃໝ່, ມາກ ອາວເລນ ມື 14 ຂອງໂລກຈາກໄອແລນເໜືອ ພົບກັບ ໄຣອັ້ນ ເດ ມື 27 ຂອງໂລກ ຈາກເວວ.

ຄູ່ນີ້ສູ້ກັນໄດ້ຢ່າງໃກ້ຄຽງສູສີ ປ່ຽນກັນນຳ ຈົບເຊັສຊັ່ນທີໜຶ່ງສະເໝີກັນ 4-4 ເຟຣມ, ມາເຊັສຊັ່ນທີສອງ ກາຍເປັນ ໄຣອັ້ນ ເດ ເຂົ້າເບຣກໄດ້ຄົມກວ່າ ເອົາຊະນະ ມາກ ອາວເລນ 10-7 ເຟຣມ ຄວ້າແຊ້ມ ສະນຸກເກີ British Open ເປັນຄັ້ງທຳອິດ ເປັນນັກສະນຸກເກີເວວ ຄົນທີ 3 ທີ່ໄດ້ແຊ້ມລາຍການນີ້ ຕໍ່ຈາກ ເຣ ເຣຍດ້ອນ ປີ 1983 ແລະ ມາກ ວິນລ້ຽມສ໌ ປີ 1997 ແລະ 2021.

ໄຣອັ້ນ ເດ ຮັບຂັນແຊ້ມ ພ້ອມເງິນລາງວັນ 100,000 ປອນ, ຮອງແຊ້ມໄດ້ເງິນລາງວັນ 45,000 ປອນ. ສ່ວນລາງວັນເຂົ້າເບຣກສູງສຸດລາຍການນີ້ ເປັນຂອງ ມາກ ເຊວບີ້ ຈາກອັງກິດ ມື 3 ຂອງໂລກ ໄດ້ແມັກຊີມໍ້າເບຣກ 147 ຄະແນນ ຄັ້ງທີ 4 ໃນອາຊີບ ຮັບເງິນລາງວັນ 5,000 ປອນ.

Photo: World Snooker Tour

Leave a Reply

Your email address will not be published.