ໂຣມ້າ ຊະນະ ເອັມໂປລີ 7-0 ຊະນະຄູ່ແຂ່ງຂາດສຸດໃນສັງວຽນ ເຊຣີອາ ໃນຮອບ 62 ປີ!

ເຕະບານ ເຊຣີອາ ອີຕາລີ ລະດູການໃໝ່ 2023-24 ນັດທີ 4 ທ້າຍອາທິດຜ່ານມາ, ໝາປ່າ ໂຣມ້າ ເປີດບ້ານຖະຫລົ່ມ ເອັມໂປລີ 7-0 ປາໂບ ດີບາລ້າ ຍິງສອງປະຕູ, ເຣນາໂຕ້ ຊານເຊັສ, ໂຣເມລູ ລູກາກູ, ໄບຣອັ້ນ ຄຣິສຕານເຕ້, ຈານລູກ້າ ແມນຊີນີ້ ຍິງຜູ້ລະປະຕູ ແລະ ອາວແບໂຕ້ ກຣາສຊີ້ ກອງກາງທີມຢາມຍິງປະຕູຕົນເອງໜຶ່ງໜ່ວຍ.

ໄຊຊະນະນັດນີ້ ເປັນການຊະນະຂາດສຸດໃນສັງວຽນ ເຊຣີອາ ໃນຮອບ 62 ປີ ນັບຕັ້ງແຕ່ ຢູເວັນຕຸສ ເປີດບ້ານຖະຫລົ່ມ ອິນເຕີ ມິລານ 9-1 ໃນເດືອນເມສາ ປີ 1961 ແຕ່ສຳລັບ ໂຣມ້າ ຍັງເຄີຍຊະນະຄູ່ແຂ່ງຫລາຍກວ່ານີ້ ຄືຊະນະ ນາໂປລີ 8-0 ໃນປີ 1959 ແລະ ຊະນະ ເຄຣໂມເນເຊ່ 9-0 ໃນເດືອນຕຸລາ ປີ 1929 ແຕ່ກໍຍັງບໍ່ແມ່ນສະຖິຕິຊະນະຂາດສຸດໃນ ເຊຣີອາ ເພາະສະຖິຕິຊະນະຂາດສຸດໃນ ເຊຣີອາ ແມ່ນ ໂຕຣີໂນ້ ຊະນະ ອາເລັສຊານເດຣຍ 10-0 ໃນເດືອນພຶດສະພາ ປີ 1948.

ສຳລັບ ຄູຝຶກ ໂຈເຊ່ ມູຣິນໂຢ້ ຂອງໂຣມ້າ ຜ່ານມາເຄີຍຄຸມ ຣຽວ ມາດຣິດ ຊະນະ ອາວເມເຣຍ ເຖິງ 8-1 ໃນເດືອນພຶດສະພາ ປີ 2011. ລີກລະດູການີ້ ໂຣມ້າ ແຂ່ງ 4 ນັດ ມີ 4 ຄະແນນ ຕາມຫລັງ ອິນເຕີ ມິລານ ທີມນຳ ທີ່ຊະນະ 4 ນັດລວດ 8 ຄະແນນ.

Photo: AS Roma, Lega Serie A

Leave a Reply

Your email address will not be published. Required fields are marked *