ນູເຢັຊ ຍິງ 2 ປະຕູ! ຊາລ້າ 2 ແອັສຊິດ ຊ່ວຍລີເວີພູລ ບຸກສະເໝີກັບ ທີມຈາກເຢຍລະມັນ 4-4 ອຸ່ນເຄື່ອງນັດທີ 2

ການເຕະບານອຸ່ນເຄື່ອງ ນັດທີ 2 ກ່ອນເລີ່ມລະດູການໃໝ່ຂອງ ຫົງແດງ ລີເວີພູລ ວັນທີ 24 ກໍລະກົດຜ່ານມາ, ລີເວີພູລ ບຸກສະເໝີ ເກເທີ ເຟີດ ທີມຈາກລີກລະດັບສອງຂອງເຢຍລະມັນ 4-4 ລີເວີພູລ ນຳກ່ອນຈາກ ລຸຍ ດີອັຊ ນາທີ 22′, ເຈົ້າບ້ານຕີສະເໝີຈາກ ຢູລຽນ ກຣີນ ນາທີ 47′ ຈາກນັ້ນ ຫົງແດງ ຍິງເພີ່ມອີກສອງປະຕູຈາກ ດາວິນ ນູເຢັຊ ນາທີ 50′, 59′ ເຊິ່ງເປັນ ຊາລ້າ ແອັສຊິດໃຫ້ທັງສອງປະຕູ.

ຢ່າງໃດກໍຕາມ ເຈົ້າບ້ານສາມາດມ້າງເກມຮັບຂອງ ລີເວີພູລ ຍິງແຊງສາມປະຕູຈາກ ລູຄັສ ເປຄັອຟ ນາທີ 67′ ແລະ ອາມິນໂດ້ ຊິບ ສອງປະຕູນາທີ 74′, 77′ ທ້າຍເກມ ລີເວີພູລ ໄດ້ປະຕູຕີສະເໝີຈາກ ໂມຮາເໝັດ ຊາລ້າ ນາທີ 89′ ຈົບເກມ ສະເໝີກັບ 4-4.

ນັດຕໍ່ໄປ ລີເວີພູລ ຈະອຸ່ນເຄື່ອງກັບ ເລັສເຕີ ວັນທີ 30 ກໍລະກົດນີ້ ທີ່ປະເທດສິງກະໂປ.

Photo: pVgg Greuther Fürth, Liverpool FC

Leave a Reply

Your email address will not be published. Required fields are marked *