ຊາຕໍສະກີ້ ນັກກິລາທີມຊາດໂປແລນ ກວາດ 2 ລາງວັນນັກກິລາດີເດັ່ນ ແລະ ຕົວຮັບດີເດັ່ນໃນ ບານສົ່ງໃນຮົ່ມຊາຍ ເນຊັ່ນລີກ 2023

ພາເວວ ຊາຕໍສະກີ້ ນັກກິລາບານສົ່ງຊາຍ ໄວ 33 ປີ ທີມຊາດໂປແລນ (ໂປໂລຍ) ກວາດ 2 ລາງວັນ ການແຂ່ງຂັນບານສົ່ງໃນຮົ່ມຊາຍ ລະດັບໂລກ ລາຍການ ເນຊັ່ນລີກ 2023 ຄືລາງວັນ: ນັກກິລາດີເດັ່ນ MVP ແລະ ຕົວຮັບດີເດັ່ນ ຫລື ລິເບໂຣ້ (Best libero) ກາຍເປັນຄັ້ງທຳອິດທີ່ ຊາຕໍສະກີ້ ໄດ້ສອງລາງວັນນີ້ ພາຍຫລັງພາທີມຊາດໂປແລນ ສ້າງປະຫວັດສາດຄວ້າແຊ້ມລາຍການນີ້ຄັ້ງທຳອິດ ດ້ວຍການຊະນະ ສະຫະລັດ ອາເມຣິກາ 3-1 ເຊັດ: 25–23, 24–26, 25–18 ແລະ 25–18.

ສ່ວນ ລາງວັນຕົວຊູບານດີເດັ່ນ (Best setter) ເປັນຂອງ ມິຄາ ຄຣິສເຕັນສັນ ຈາກອາເມຣິກາ, ລາງວັນຕົວບັອກດີເດັ່ນ (Best middle blockers) ຢາຄຸບ ໂຄຊານັອຟສະກີ້ ຈາກໂປແລນ ແລະ ເດວິດ ສະມິດ ຈາກອາເມຣິກາ.

ລາງວັນຕົວຕົບວົງໃນດີເດັ່ນ (Best opposite spiker) ເປັນຂອງ ລູຄັສ ເຄັກມາເຣັກ ຈາກໂປແລນ ແລະ ລາງວັນຕົວຕົບວົງນອກດີເດັ່ນ (Best outside spikers) ເປັນຂອງ ອາເລັກຊານເດີ ສະລິວກ້າ ຈາກໂປແລນ ແລະ ຢູກິ ອີຊິກາວ້າ ຈາກຍີ່ປຸ່ນ.

Photo: Volleyball World

Leave a Reply

Your email address will not be published. Required fields are marked *