ຮາແລນ ຍິງທີມເກົ່າ ແລະ ຍິງ 5 ນັດຕິດຕໍ່ກັນ ພາ ແມນຊິຕີ້ ຊະນະ ດັອດມຸນ ຄວ້າໄຊ 2 ນັດລວດໃນ ແຊ້ມປ້ຽນລີກ

ເອີລິ້ງ ຮາແລນ ສູນໜ້າຟອມເດັ່ນທີມຊາດນໍຣເວ (ນອກແວ) ຍິງທີມເກົ່າ ໂບຣຸສເຊຍ ດັອດມຸນ ພາສັງກັດໃໝ່ ແມນເຊັສເຕີ ຊິຕີ້ ແຊງຊະນະ ເສືອເຫລືອງ ດັອດມຸນ ແບບຫວຸດວິດ 2-1 ເຕະບານ ຢູຟ້າ ແຊ້ມປ້ຽນລີກ ຮອບແບ່ງກຸ່ມ ກຸ່ມ G ນັດທີ 2 ໃນຄືນວັນທີ 14 ກັນຍາຜ່ານມາ.

ທີມຢາມ ດັອດມຸນ ນຳກ່ອນຈາກ ຈຸດ ເບວລິ້ງແຮມ ນາທີ 56′ ແຕ່ຖືກ ຊິຕີ້ ຍິງແຊງຈາກ ຈອນ ສະໂຕນ ນາທີ 80′ ແລະ ເອີລິ້ງ ຮາແລນ ນາທີ 84′ ຮາແລນ ສູນໜ້າ ໄວ 22 ປີ ຍິງ 5 ນັດຕິດຕໍ່ກັນ ລວມເປັນປະຕູທີ 13 ໃນລະດູການນີ້ ແລະ ເປັນປະຕູທີ 26 ຈາກການລົງຫລິ້ນ 21 ນັດໃນແຊ້ມປ້ຽນລີກ. ຜົນອີກໜຶ່ງຄູ່ໃນກຸ່ມດຽວກັນ ເອຟຊີ ໂຄເປັນຮາເກັນ ສະເໝີກັບ ເຊບີຢ້າ 0-0.

ຜ່ານໄປ 2 ນັດ ແມນຊິຕີ້ ມີ 6 ຄະແນນເຕັມ, ດັອດມຸນ ມີ 3 ຄະແນນ, ເຊບີຢ້າ ແລະ ໂຄເປັນຮາເກັນ ມີ 1 ຄະແນນ, ນັດຕໍ່ໄປ ແມນຊິຕີ້ ພົບ ໂຄເປັນຮາເກັນ ແລະ ເຊບີຢ້າ ພົບ ດັອດມຸນ ຈະແຂ່ງຂັນ ຄືນວັນທີ 5 ຕຸລາ.

Photo: UEFA Champions League

Leave a Reply

Your email address will not be published.