ທີມຊາດຍີ່ປຸ່ນ ແລະ ສາທາລະນະລັດເກົາຫລີ ຢູ່ໂຖທີ 1, ຫວຽດນາມ ຢູ່ໂຖ 2 ຈັບສະຫລາກ ບານໂລກ 2026 ຮອບຄັດເລືອກ ຮອບທີ 2 ທະວີບອາຊີ

ທີມຊາດຍີ່ປຸ່ນ ແລະ ສາທາລະນະລັດເກົາຫລີ ຢູ່ໂຖທີ 1, ຫວຽດນາມ ຢູ່ໂຖ 2 ການຈັບສະຫລາກ ບານໂລກ 2026 ຮອບຄັດເລືອກ ຮອບທີ 2 ທະວີບອາຊີ ແລະ ເອຊຽນຄັບ 2027 ຮອບຄັດເລືອກ.

ໂຖທີ 1 ປະກອບມີ: ທີມຊາດຍີ່ປຸ່ນ, ອີຣານ, ອົດສະຕຣາລີ, ສາທາລະນະລັດເກົາຫລີ, ຊາອຸດິ ອາຣາເບຍ, ກາຕ້າ, ອີຣັກ, ສະຫະລັດ ອາຣັບ ເອມີເຣດ ແລະ ໂອມານ.

ໂຖທີ 2 ມີ: ອຸສເບກິສຖານ, ຈີນ, ຊັອກດານີ້, ບາເຣນ, ຫວຽດນາມ, ປາເລັສຕິນ, ຊີຣີ້, ກຽກກີສະຖານ ແລະ ອິນເດຍ.

ໂຖທີ 3 ມີ: ລີບັງ, ທາຈີກິສຖານ, ໄທ, ສປປ ເກົາຫລີ, ຟີລິບປິນ, ມາເລເຊຍ, ຄູເວດ, ຕວກມີນິສຖານ ແລະ ຮົງກົງ.

ສຳລັບ ໂຖທີ 4 ແມ່ນ 9 ທີມທີ່ຜ່ານການຄັດເລືອກຈາກ ຮອບທີ 1.

ການຈັບສະຫລາກ ຈະຈັດຂຶ້ນໃນວັນທີ 27 ກໍລະກົດ 2023, ບານໂລກ 2026 ຮອບຄັດເລືອກ ຮອບທີ 2 ທະວີບອາຊີ ແລະ ເອຊຽນຄັບ 2027 ຮອບຄັດເລືອກ ມີທັງໝົດ 36 ທີມ: 27 ທີມ ແມ່ນທີມທີ່ມີອັນດັບ 1-27 ຂອງທະວີບ, 9 ທີມ ແມ່ນຜູ້ຊະນະຈາກຮອບຄັດເລືອກ ຮອບທີ 1 ເຊິ່ງການຈັດວາງໂຖທີມວາງ ແມ່ນອິງຕາມອັນດັບໂລກທີ່ຈັດຫລ້າສຸດໃນເດືອນມິຖຸນາ 2023.

ການຈັບສະຫລາກ ຮອບຄັດເລືອກ ຮອບທີ 2 ຈະແບ່ງອອກເປັນ 9 ກຸ່ມ, ກຸ່ມລະ 4 ທີມ, ຮູບແບບການແຂ່ງຂັນພົບກັນໝົດໃນກຸ່ມແບບໄປ-ກັບ ທີມໜຶ່ງແຂ່ງ 6 ນັດ ແລ້ວຄັດເອົາທີ 1 ແລະ ທີ 2 ຂອງແຕ່ລະກຸ່ມເຂົ້າຮອບຄັດເລືອກ ຮອບທີ 3 ຕໍ່ໄປ ແລະ ໄດ້ໂຄຕ້າໄປຮອບສຸດທ້າຍ ເຕະບານຊາຍ ຊິງແຊ້ມອາຊີ ຫລື ເອຊຽນຄັບ 2027 ທີ່ຊາອຸດິອາຣາເບຍ, ໂດຍຮອບຄັດເລືອກ ຮອບທີ 2 ຈະແຂ່ງຂັນໃນລະຫວ່າງເດືອນພະຈິກ 2023 ຈົນໄປເຖິງເດືອນມິຖຸນາ 2024 ຈຶ່ງຈະສຳເລັດ.

CG: ASEAN Football

Leave a Reply

Your email address will not be published. Required fields are marked *