ການແຂ່ງຂັນເທັນນິສແກຣນສະແລມທີ 3 ຂອງປີ ວິມເບີດັນ 2023 ທີ່ນະຄອນຫລວງລອນດອນ ປະເທດອັງກິດ ຊິງເງິນລາງວັນລວມ 44,700,000 ປອນ ໃນລະຫວ່າງວັນທີ 3 – 16 ກໍລະກົດນີ້ ເຊິ່ງມື້ທຳອິດມີສາຍຝົນລົບກວນ ແຂ່ງບໍ່ຈົບຫລາຍຄູ່.
ປະເພດຊາຍດ່ຽວ ຮອບທີໜຶ່ງ: ໂນວັກ ໂຢໂຄວິກ ມື 2 ຂອງໂລກ ແຊ້ມເກົ່າ ຈາກເຊີເບຍ (ແຊັກບີ້) ເອົາຊະນະ ເປໂດຣ ຄາຊິນ ອັນດັບ 68 ຂອງໂລກ ຈາກອາເຈນຕິນ້າ (ອາກຊັງຕິນ) 3-0 ເຊັດ: 6-3, 6-3 ແລະ 7-6 (7-4) ຮອບ 2 ໄປພົບກັບ ຈໍແດນ ທອມສັນ ອັນດັບ 70 ຂອງໂລກ ຈາກອົດສະຕຣາລີ.
ຂະນະທີ່ ແຄັສເປີ ຣຸດ ມື 4 ຂອງລາຍການ ຈາກນອກແວ ກໍຜ່ານໄດ້ ເໝືອນກັບ ອັງເດຣ ຣູເບັຟ ມື 7 ຈາກຣັດເຊຍ ແລະ ຢານນິກ ຊິນເນີ ມື 8 ຈາກອີຕາລີ, ສ່ວນ ຟີລິບ ອໍແກ ອາເລຍຊິມ ມື 11 ຈາກການາດ້າ ຕົກຮອບ.
Photo: Wimbledon