ລີເວີພູລ ເປີດໂຕກອງກາງໃໝ່ ໂຊບັອດລາຍ ລາຄາ 70 ລ້ານເອີໂຣ!

ຫົງແດງ ລີເວີພູລ ເປີດໂຕ ໂດມີນິກ ໂຊບັອດລາຍ ກອງກາງໃໝ່ທີມຊາດຮົງກາຣີ້ ທີ່ຍ້າຍມາຈາກ ອາຣແບ ໄລຊິກ ດ້ວຍຄ່າໂຕ 70 ລ້ານເອີໂຣ ເຊັນສັນຍາ 5 ປີ, ກາຍເປັນນັກເຕະຄົນທີສອງທີ່ ຫົງແດງ ໄດ້ມາເສີມທັບກ່ອນເລີ່ມລະດູການໃໝ່ ຕໍ່ຈາກ ອາເລັກຊິສ ແມັກອາລິສເຕີ ກອງກາງທີມຊາດອາກຊັງຕິນ ທີ່ຊື້ມາຈາກ ໄບຣຕັ້ນ 35 ລ້ານປອນ.

ສຳລັບ ໂດມີນິກ ໂຊບັອດລາຍ ປັດຈຸບັນ ອາຍຸ 22 ປີ ຟອມກຳລັງປະຈັກຕາກັບ ໄລຊິກ ລົງຫລິ້ນ 91 ນັດ ຍິງ 20 ປະຕູ 22 ແອັສຊິດ, ຊ່ວຍ ໄລຊິກ ຄວ້າແຊ້ມ ເດເອັຟເບ ໂພຄາວ 2 ລະດູການຕິດຕໍ່ກັນ ແລະ ຕິດອັນດັບ 1 ໃນ 4 ຂອງລີກ ຄວ້າສິດໄປ ຢູຟ້າ ແຊ້ມປ້ຽນລີກ 2 ລະດູການຕິດຕໍ່ກັນ. ໂຊບັອດລາຍ ຮັບເສື້ອໝາຍເລກ 8 ກັບ ລີເວີພູລ.

Photo: Liverpool FC

Leave a Reply

Your email address will not be published. Required fields are marked *