ກ໋ອງເຕ້ ກຽມເປັນເຈົ້າຂອງສະໂມສອນບານເຕະໃນລີກ ເບວຢ້ຽມ ວັນທີ 1 ກໍລະກົດນີ້!

ເອັນໂກໂລ້ ກ໋ອງເຕ້ ກອງກາງທີມຊາດຝຣັ່ງ ກຽມເປັນເຈົ້າຂອງ Royal Excelsior Virton ສະໂມສອນບານເຕະໃນລີກອັນດັບ 3 ຂອງປະເທດເບວຢ້ຽມ (ແບນຊິກ) ໃນວັນທີ 1 ກໍລະກົດ 2023 ນີ້ ແລະ ເປັນມື້ດຽວກັບການເລີ່ມງານມື້ທຳອິດກັບຕົ້ນສັງກັດໃໝ່ ອາວ ອິດທີຮັດ ໃນລີກສູງສຸດຂຶງຊາອຸດິອາຣາເບຍ.

ສະໂມສອນ Royal Excelsior Virton ຕັ້ງຢູ່ຕິດກັບຊາຍແດນປະເທດລັກແຊມເບີກ (ລຸກຊຳບວກ), ການເປັນເຈົ້າຂອງທີມນີ້ຂອງ ກ໋ອງເຕ້ ແຫລ່ງຂ່າວບໍ່ເປີດເຜີຍລາຄາຊື້ສະໂມສອນຫລາຍປານໃດ.

ສຳລັບ ກ໋ອງເຕ້ ໝົດສັນຍາກັບທີມຫລັງສິ້ນສຸດເດືອນມິຖຸນານີ້, ລາຍງານລະບຸວ່າ: ກ໋ອງເຕ້ ໄວ 32 ປີ ເຊື້ອສາຍມາລີ ຕົກລົງສັນຍາກັບ ອາວ ອິດທີຮັດ 3 ປີ ພ້ອມຄ່າແຮງງານ 86 ລ້ານປອນ, ເປັນອີກໜຶ່ງນັກເຕະຊື່ດັງຊາວຝຣັ່ງ ເລືອກຍ້າຍໄປຮ່ວມທັບ ອາວ ອິດທີຮັດ ຕໍ່ຈາກ ຄາຣິມ ເບັນເຊມ້າ. ເອັນໂກໂລ້ ກ໋ອງເຕ້ ຝາກຜົນງານໄວ້ຫລາຍຢ່າງກັບ ເຊວຊີ ຊ່ວຍທີມໄດ້ແຊ້ມ ພຣີເມ່ຍລີກ, ເອັຟເອຄັບ, ຢູຟ້າ ແຊ້ມປ້ຽນລີກ, ຢູໂຣປ້າລີກ, ຢູຟ້າ ຊຸບເປີຄັບ ແລະ ແຊ້ມສະໂມສອນໂລກ ຢ່າງລະ 1 ສະໄໝ.

Photo: N’Golo Kante

Leave a Reply

Your email address will not be published. Required fields are marked *