ອາດ້ຽນ ຣາບີໂອ ກອງກາງທີມຊາດຝຣັ່ງ ຕົກລົງຕໍ່ສັນຍາກັບຕົ້ນສັງກັດ ຢູເວັນຕຸສ ພຽງ 1 ປີ, ກອງກາງ ໄວ 28 ປີ ຈະໝົດສັນຍາກັບທັບມ້າລາຍ ຫລັງຈົບລະດູການຜ່ານມາ ແລະ ມີຂ່າວຫລາຍທີມສົນໃຈ ແຕ່ເລືອກຮັບຂໍ້ສະເໜີຂະຫຍາຍສັນຍາເພີ່ມພຽງ 1 ປີ ຍ້ອນຍັງຕ້ອງການຢູ່ກັບທີມ.
ຣາບີໂອ ຍ້າຍຈາກ ປາຣີ ແຊັງແຊກແມັງ ມາຢູ່ກັບ ຢູເວັນຕຸສ ໃນປີ 2019 ລົງຫລິ້ນ 177 ນັດ ຍິງ 17 ປະຕູ, ຊ່ວຍທີມໄດ້ແຊ້ມລີກສູງສຸດ ລະດູການ 2019-20, ພ້ອມກັບ ແຊ້ມໂຄປ້າ ອີຕາເລຍ ແລະ ຊຸບເປີຄັບ ຢ່າງລະໜຶ່ງສະໄໝ.
ຣາບີໂອ ຢູ່ໃນທີມຊາດຝຣັ່ງ ຊຸດໄດ້ຮອງແຊ້ມ ບານໂລກ 2022 ແລະ ແຊ້ມ ຢູຟ້າ ເນຊັ່ນລີກ ລະດູການ 2020–21.
Photo: Juventus