ເວີສະເຕັບເປິ້ນ ຄົນທຳອິດ ຄວ້າແຊ້ມ F1 3 ລາຍການຕິດຕໍ່ກັນ ໃນປີ 2023

ການແຂ່ງຂັນ ລົດສູດໜຶ່ງ ຟໍຣມູລ້າວັນ ສະໜາມທີ 7 ຂອງປີ 2023 ລາຍການ ສະແປນນິສ ກຣັງປຣີ ທີ່ສະໜາມ ບາຣເຊໂລນ້າ ກາຕາລຸນຢ້າ, ປະເທດແອັສປາຍ ໃນທ້າຍອາທິດຜ່ານມາ, ຄວາມຍາວຕໍ່ຮອບ 4.657 ແມັດ ແຂ່ງທັງໝົດ 66 ຮອບ.

ປະກົດວ່າ: ແມັກ ເວີສະເຕັບເປິ້ນ ແຊ້ມເກົ່າ ຊາວໂຮນລັງ ຈາກທີມເຣດບລູ ເຣຊິ້ງ ຮອນດ້າ ອອກໂຕເປັນຄົນທຳອິດ ປະຄອງລົດຄູ່ໃຈເຂົ້າເສັ້ນໄຊເປັນຄົນທຳອິດ ດ້ວຍເວລາ 1 ຊົ່ວໂມງ 27 ນາທີ 57.940 ວິນາທີ ເອົາຊະນະ ລຸຍ ຮາມິນຕັນ ແຊ້ມໂລກ 7 ສະໄໝ ຈາກຄ້າຍເມີຊີເດັຊ 24 ກວ່າວິນາທີ, ເວີສະເຕັບເປິ້ນ ປ້ອງກັນແຊ້ມາຍການນີ້ໄດ້ສຳເລັດ ແລະ ຄວ້າແຊ້ມ 3 ສະໜາມຕິດຕໍ່ກັນ ແລະ ເປັນແຊ້ມສະໜາມທີ 5 ຈາກ7 ສະໜາມໃນປີນີ້.

ທີ 3 ເປັນຂອງ ຈັອສ ຣັສເຊວ ນັກຂັບຊາວສະຫະຣາຊອານາຈັກ ຈາກຄ້າຍເມີຊີເດັຊ ຕາມຫລັງ 32 ກວ່າວິນາທີ, ຂະນະທີ່ ເຊີຈີໂອ້ ເປເຣັຊ ຈົບອັນດັບ 4, ເຟີນັນໂດ ອາລອນໂຊ້ ແຊ້ມໂລກ 2 ສະໄໝ ຈົບອັນດັບ 7.

ຜ່ານໄປ 7 ສະໜາມ ຜູ້ນຳຄະແນນລວມນັກຂັບຍັງຄົງແມ່ນ ແຊ້ມເກົ່າ ເວີສະເຕັບເປິ້ນ ມີ 170 ຄະແນນ, ທີສອງ ເຊີຈີໂອ້ ເປເຣັຊ ເພື່ອນຮ່ວມທີມ ມີ 117 ຄະແນນ, ທີ 3 ເຟີນັນໂດ ອາລອນໂຊ້ ມີ 99 ຄະແນນ.

ສ່ວນທີມຜູ້ສ້າງ ທີມນຳແມ່ນ ທີມເຣດບລູ ເຣຊິ້ງ ຮອນດ້າ ມີ 287 ຄະແນນ, ຮອງລົງມາແມ່ນ ເມີຊີເດັຊ ມີ 152 ຄະແນນ ແລະ Aston Martin Aramco-Mercedes ມີ 134 ຄະແນນ.

ສະໜາມຕໍ່ໄປ ສະໜາມທີ 8 ລາຍການ ແຄນນາດ້ຽນ ກຣັງປຣີ ທີ່ສະໜາມ ຈິວ ວິວນໍວີ້, ປະເທດການາດ້າ ຈະແຂ່ງຂັນວັນທີ 16 – 18 ມິຖຸນານີ້.

Leave a Reply

Your email address will not be published. Required fields are marked *