ອາວຄາຣາຊ ແລະ ໂນວັກ ເຂົ້າຮອບທີ 3 ເຟັນ ໂອເພັນ 2023

ການແຂ່ງຂັນເທັນນິສ ແກຣນສະແລມທີສອງຂອງປີ ເຟັນ ໂອເພັນ 2023 ທີ່ສັງວຽນໂຣລ໋ອງ ກາຣັອສ, ນະຄອນຫລວງປາຣີ ປະເທດຝຣັ່ງ ໃນລະຫວ່າງວັນທີ 28 ພຶດສະພາ  – 11 ມິຖຸນານີ້.

ປະເພດຊາຍດ່ຽວ ຮອບທີ 2 ຄາລັອສ ອາວຄາຣາຊ ດາວເດັ່ນຈາກແອັສປາຍ ມື 1 ຂອງໂລກ ເອົາຊະນະ ໂຕໂຣ້ ແດນ້ຽວ ຈາກຍີ່ປຸ່ນເຊື້ອສາຍອາເມຣິກາ ອັນດັບ 112 ຂອງໂລກ 3-1 ເຊັດ: 6-1, 3-6, 6-1, 6-2 ຮອບ 3 ໄປພົບກັບ ເດນິສ ຊາໂປວາລັອຟ ມື 26 ຂອງລາຍການ ຈາກການາດ້າ ທີ່ເອົາຊະນະ ມັດຕີໂອ້ ອາຣນາວດີ້ ຈາກອີຕາລີ ອັນດັບ 106 ຂອງໂລກ 3-1 ເຊັດ.

ຂະນະທີ່ ໂນວັກ ໂຢໂຄວິກ ຈາກແຊັກບີ້ ມື 3 ຂອງໂລກ ແຊ້ມແກຣນສະແລມສູງສຸດ 22 ສະໄໝ ຜ່ານ ມາຕ້ອນ ຟຸກໂຊວິກ ຈາກຮົງກາຣີ້ ອັນດັບ 83 ຂອງໂລກ 3-0 ເຊັດ: 7-6(7/2), 6-0, 6-3 ຮອບ 3 ໄປພົບກັບ ອາເລຮັນໂດ ດາວີໂນວິກ ໂຟກີນ້າ ມື 29 ຂອງລາຍການຈາກແອັສປາຍ ທີ່ເອົາຊະນະ ລູກ້າ ຟານ ແອັສເຊ້ ດາວເດັ່ນຈາກເຈົ້າພາບ 3-0 ເຊັດ.

ສ່ວນ ສະເຕຟານັອສ ຊິດຊີປັສ ມື 5 ຈາກເກັກ, ອັງເດຣ ຣູເບັຟ ມື 7 ຈາກຣັດເຊຍ ກໍຜ່ານໄດ້, ແຕ່ ຟີລິບ ອໍແກ ອາເລຍຊິມ ມື 10 ຈາກການາດ້າ ຕົກຮອບ.

ປະເພດຍິງດ່ຽວ ຮອບສອງ ອາຣີນ້າ ຊາບາເຣັນກ້າ ມື 2 ຂອງໂລກ ຈາກເບລາຣຸສ ຜ່ານຮອບທີ 2 ເທັນນິສ ແກຣນສະແລມ ເຟັນ ໂອເພັນ 2023 ຫລັງຊະນະ ອີຣີນ້າ ຊີມາໂນວິກ ເພື່ອນຮ່ວມຊາດ ທີ່ມາຈາກຮອບຄັດເລືອກ 2-0 ເຊັດ: 7-5, 6-2 ຮອບ 3 ໄປພົບກັບ ຄາມິວລ້າ ຣາກີໂມວ້າ ຈາກຣັດເຊຍ.

ສ່ວນ ເຈັສຊີກ້າ ເປກູລ້າ ມື 3 ຈາກອາເມຣິກາ ກໍຜ່ານໄດ້ ແຕ່ ຄາໂຣລາຍ ກາເຊຍ ມື 5 ຈາກເຈົ້າພາບຕົກຮອບ ເໝືອນກັບ ເຢເລນ້າ ອັອສຕາເປັນໂກ້ ຈາກລັດວີ້ ອະດີດແຊ້ມປີ 2017 ຕົກຮອບ.

Photo: ROLAND-GARROS

Leave a Reply

Your email address will not be published. Required fields are marked *