ແມັດເວເດັຟ ມື 2 ຂອງໂລກ ຕົກຮອບທຳອິດ ເທັນນິສ ເຟັນ ໂອເພັນ 2023

ການແຂ່ງຂັນເທັນນິສ ແກຣນສະແລມທີສອງຂອງປີ ເຟັນ ໂອເພັນ 2023 ທີ່ສັງວຽນໂຣລ໋ອງ ກາຣັອສ, ນະຄອນຫລວງປາຣີ ປະເທດຝຣັ່ງ ໃນລະຫວ່າງວັນທີ 28 ພຶດສະພາ  – 11 ມິຖຸນານີ້.

ປະເພດຊາຍດ່ຽວ ຮອບທຳອິດ ສາຍລຸ່ມ: ດານິວ ແມັດເວເດັຟ ຈາກຣັດເຊຍ ມື 2 ຂອງໂລກ ທີ່ຫາກໍໄດ້ແຊ້ມ ມາສເຕີ 1000 ອີຕາລ້ຽນ ໂອເພັນ ພາດທ່າຕົກຮອບ ເມື່ຍເສຍໃຫ້ ເຕຍໂກ້ ເຊບັອດວາຍ ນັກເທັນນິສຊາວເບຣຊິນ ທີ່ມາຈາກຮອບຄັດເລືອກ 2-3 ເຊັດ: 6-7(5/7), 7-6(8/6), 6-2, 3-6, 4-6 ເຊບັອດວາຍ ເຂົ້າຮອບ 2 ລະດັບແກຣນສະແລມຄັ້ງທຳອິດ.

ຂະນະທີ່ ແຄັສເປີ ຣຸດ ມື 4 ຂອງລາຍການ ຈາກນອກແວ ຮອງແຊ້ມປີຜ່ານມາ ຜ່ານ ເອວລີອັສ ວາຍເມີ້ ຈາກສະວີເດັນ (ຊູແອັດ) ທີ່ມາຈາກຮອບຄັດເລືອກ 3-0 ເຊັດ: 6-4, 6-3, 6-2 ຮອບ 2 ໄປພົບກັບ ຈິວໂຣ້ ເຊັບປີຣີ້ ຈາກອີຕາລີ ທີ່ມາຈາກຮອບຄັດເລືອກ.

ສ່ວນ ໂຮເກີ ຣູເນີ ມື 6 ຈາກດານມາກ, ເທເລີ້ ຟຣິດ ມື 9 ຈາກອາເມຣິກາ ກໍຜ່ານໄດ້.

ປະເພດຍິງດ່ຽວ ຮອບທຳອິດ ສາຍເທິງ: ອີກ້າ ສະເວຍເຕັກ ແຊ້ມເກົ່າ ມື 1 ຂອງໂລກ ຈາກໂປໂລຍ ເອົາຊະນະ ຄຣິສຕີນ້າ ບັກຊ້າ ມື 70 ຂອງໂລກ ຈາກແອັສປາຍ 2-0 ເຊັດ: 6-4, 6-0, ຮອບສອງໄປພົບກັບ ຄາຍເຣ້ ຫລິວ ຈາກອາເມຣິກາເຊື້ອສາຍຈີນ ອັນດັບ 102 ຂອງໂລກ, ຂະນະທີ່ ໂກໂກ້ ກັອຟ ຮອງແຊ້ມຈາກອາເມຣິກາ ກໍຜ່ານໄດ້ ເຊັ່ນດຽວກັບ ເອເລນ້າ ຣີບາກີນ້າ ມື 4 ຈາກຄາຊັກສະຖານ ແລະ ອອນ ຈາເບີ້ ມື 7 ຈາກຕູນີຊີ້.

Photo: ROLAND-GARROS

Leave a Reply

Your email address will not be published. Required fields are marked *