ອາວຄາຣາຊ ແລະ ໂນວັກ ຜ່ານຮອບທຳອິດ ເຟັນ ໂອເພັນ 2023

ການແຂ່ງຂັນເທັນນິສ ແກຣນສະແລມທີສອງຂອງປີ ເຟັນ ໂອເພັນ 2023 ທີ່ສັງວຽນໂຣລ໋ອງ ກາຣັອສ, ນະຄອນຫລວງປາຣີ ປະເທດຝຣັ່ງ ໃນລະຫວ່າງວັນທີ 28 ພຶດສະພາ  – 11 ມິຖຸນານີ້.

ປະເພດຊາຍດ່ຽວ ຮອບທຳອິດ: ຄາລັອສ ອາວຄາຣາຊ ດາວເດັ່ນຈາກແອັສປາຍ ມື 1 ຂອງໂລກ ເອົາຊະນະ ຟາວີໂອ ໂຄໂບລີ້ ນັກເທັນນິສຊາວອີຕາລີ ທີ່ມາຈາກຮອບຄັດເລືອກ 3-0 ເຊັດ: 6-0, 6-2, 7-5 ຮອບ 2 ໄປພົບກັບ ໂຕໂຣ້ ແດນ້ຽວ ຈາກຍີ່ປຸ່ນເຊື້ອສາຍອາເມຣິກາ ອັນດັບ 112 ຂອງໂລກ.

ຂະນະທີ່ ໂນວັກ ໂຢໂຄວິກ ຈາກແຊັກບີ້ ມື 3 ຂອງໂລກ ແຊ້ມແກຣນສະແລມສູງສຸດ 22 ສະໄໝ ຜ່ານ ອາເລັກຊານດ້າ ໂຄວາເຊວິກ ຈາກອາເມຣິກາເຊື້ອສາຍແຊັກບີ້ ອັນດັບ 114 ຂອງໂລກ 3-0 ເຊັດ: 6-2, 6-2, 7-6(7/1) ຮອບ 2 ໄປພົບກັບ ມາຕ້ອນ ຟຸກໂຊວິກ ຈາກຮົງກາຣີ້ ອັນດັບ 83 ຂອງໂລກ.

ສ່ວນ ສະເຕຟານັອສ ຊິດຊີປັສ ມື 5 ຈາກເກັກ, ອັງເດຣ ຣູເບັຟ ມື 7 ຈາກຣັດເຊຍ ກໍຜ່ານໄດ້, ແຕ່ ຟີລິບ ອໍແກ ອາເລຍຊິມ ມື 10 ຈາກການາດ້າ ຕົກຮອບ.

ປະເພດຍິງດ່ຽວ ຮອບທຳອິດ: ອາຣີນ້າ ຊາບາເລັນກ້າ ມື 2 ຈາກເບລາຣຸສ ເອົາຊະນະ ມາຣຕ້າ ຄັອສຢຸກ ມື 28 ຂອງໂລກ ຈາກອູແກຣນ 2-0 ເຊັດ: 6-3, 6-2, ຮອບສອງໄປພົບກັບ ອີຣີນ້າ ຊີມາໂນວິກ ເພື່ອນຮ່ວມຊາດທີ່ມາຈາກຮອບຄັດເລືອກ, ຂະນະທີ່ ເຈັສຊີກ້າ ເປກູລ້າ ມື 3 ຈາກອາເມຣິກາ ແລະ ຄາໂຣລາຍ ກາເຊຍ ມື 5 ຈາກຝຣັ່ງ ກໍຜ່ານໄດ້.

Photo: ROLAND-GARROS

Leave a Reply

Your email address will not be published. Required fields are marked *