U23 ທີມຊາດລາວ ພົບງານໜັກ ຈັບສະຫລາກຮ່ວມກຸ່ມກັບ ອົດສະຕຣາລີ, ທາຈີກິດສະຖານ ແລະ ສປປ ເກົາຫລີ ເຕະບານຊາຍ U23 ປີ ຊິງແຊ້ມອາຊີ 2024 ຮອບຄັດເລືອກ

ຜົນການຈັບສະຫລາກ ເຕະບານຊາຍ ຮຸ່ນອາຍຸບໍ່ເກີນ 23 ປີ (U23) ຊິງແຊ້ມອາຊີ 2024 ຮອບຄັດເລືອກ (AFC U23 Asian Cup 2024 qualifying round) ໃນວັນທີ 25 ພຶດສະພາ 2023 ທີ່ສຳນັກງານໃຫຍ່ຂອງສະຫະພັນບານເຕະອາຊີ (AFC) ຢູ່ນະຄອນຫລວງກົວລາລຳເປີ ປະເທດມາເລເຊຍ ປະກົດວ່າ: U23 ທີມຊາດລາວ ພົບງານໜັກ ຈັບສະຫລາກຢູ່ກຸ່ມ I ຮ່ວມກັບ ອົດສະຕຣາລີ, ທາຈີກິດສະຖານ ແລະ ສປປ ເກົາຫລີ (ເກົາຫລີເໜືອ).

ຈະແຂ່ງຂັນທີ່ປະເທດຈາຈີກິດສະຖານ ໃນວັນທີ 6-12 ກັນຍາ 2023. ນັດທີ 1 ລາວ ພົບ ທາຈີກິດສະຖານ ເຈົ້າພາບ ວັນທີ 6 ກັນຍາ, ນັດທີ 2 ລາວ ພົບ ອົດສະຕຣາລີ ວັນທີ 9 ກັນຍາ ແລະ ນັດທີ 3 ລາວ ພົບ ສປປ ເກົາຫລີ ວັນທີ 12 ກັນຍາ 2023.

ຮອບຄັດເລືອກຄັ້ງນີ້ ມີ 43 ທີມເຂົ້າຮ່ວມ ແບ່ງເປັນ 11 ກຸ່ມ, ກຸ່ມທີ 1 ຫາ ກຸ່ມທີ 10 ຈະມີ 4 ທີມ ແລະ ກຸ່ມສຸດທ້າຍ ມີ 3 ທີມ, ແຂ່ງແບບພົບກັນໝົດໃນກຸ່ມ ແລ້ວຄັດເອົາທີ 1 ຂອງແຕ່ລະກຸ່ມ ບວກກັບອັນດັບ 2 ດີສຸດ 4 ທີມຈາກ 11 ກຸ່ມ ເຂົ້າຮອບສຸດທ້າຍທີ່ກາຕ້າ. ສ່ວນເຈົ້າພາບ 11 ກຸ່ມ ປະກອບມີ: ປະເທດບາເຣນ, ສປ ຈີນ, ອິນໂດເນເຊຍ, ຈໍແດນ (ຊັອກດານີ້), ສາທາລະນະລັດເກົາຫລີ, ຄູເວດ, ຊາອຸດິ ອາຣາເບຍ, ທາຈີກິດສະຖານ, ໄທ, ອຸດສະເບກິດສະຖານ ແລະ ຫວຽດນາມ.

ສຳລັບ ທີມຊາດລາວ U23 ບໍ່ເຄີຍຜ່ານຮອບຄັດເລືອກ ຈາກ 5 ຄັ້ງທີ່ຄັດເລືອກຜ່ານມາ.

Leave a Reply

Your email address will not be published. Required fields are marked *