ແມນຊິຕີ້ ຊະນະ ເຊວຊີ 1-0 ສະຫລອງແຊ້ມ ພຣີເມ່ຍລີກ ສະໄໝທີ 7

ການແຂ່ງຂັນເຕະບານ ພຣີເມ່ຍລີກ ອັງກິດ ລະດູການ 2022-23 ໃນທ້າຍອາທິດຜ່ານມາ, ແມນເຊັສເຕີ ຊິຕີ້ ແຊ້ມເກົ່າ ຈັດທັບສຳຮອງເປັນສ່ວນໃຫຍ່ ເປີດບ້ານເອົາຊະນະ ເຊວຊີ ແບບຫວຸດວິດ 1-0 ຈາກປະຕູໄຊຈອງ ຢູລຽນ ອານວາເຣັຊ ນາທີ 12′ ເພີ່ມສະຖິຕິບໍ່ເສຍ 23 ນັດຕິດຕໍ່ກັນ ລວມທຸກລາຍການ ໃນນີ້ ຊະນະ 19 ສະເໝີ 4 ແລະ ຊະນະໃນບ້ານ 17 ນັດລວດ.

ຫລັງຈົບນັດນີ້ ພຣີເມ່ຍລີກ ໄດ້ຈັດພິທີມອບຂັນແຊ້ມໃຫ້ ແມນຊິຕີ້ ຄອງແຊ້ມ 3 ສະໄໝຕິດຕໍ່ກັນ ເປັນທີມທີ 2 ທີ່ເຮັດໄດ້ ຕໍ່ຈາກ ແມນເຊັສເຕີ ຢູໄນເຕັດ, ຊິຕີ້ ໄດ້ແຊ້ມ ພຣີເມ່ຍລີກ ເປັນສະໄໝທີ 7 ແລະ ເປັນແຊ້ມສະໄໝທີ 5 ຈາກ 6 ລະດູການຫລັງສຸດ.

ຂະນະທີ່ ໄບຣຕັ້ນ ສ້າງປະຫວັດສາດໜ້າໃໝ່ ໄດ້ໄປຫລິ້ນ ບານເອີຣົບ ຢູໂຣປ້າລີກ ຄັ້ງທຳອິດ ພາຍຫລັງເປີດບ້ານຊະນະ ເຊົາແທ່ມຕັນ ທີມຕົກຊັ້ນ 3-1. ໄບຣຕັ້ນ ມີ 61 ຄະແນນ ຈາກ 36 ນັດ, ບໍ່ຫລຸດອັນດັບ 5 ແລະ 6 ແນ່ນອນແລ້ວ ໄດ້ໄປ ຢູໂຣປ້າລີກ ຮອບແບ່ງກຸ່ມລະດູການໜ້າ.

Photo: Manchester City

Leave a Reply

Your email address will not be published. Required fields are marked *