ຣາຟາເອວ ນາດາວ ນັກເທັນນິສຊາວແອັສປາຍ ໄວ 36 ປີ ແຊ້ມແກຣນສະແລມສູງສຸດ 22 ສະໄໝ ຂໍຖອນຕົວປ້ອງກັນແຊ້ມແກຣນສະແລມທີສອງຂອງປີ ເຟັນ ໂອເພັນ 2023 ທີ່ນະຄອນຫລວງປາຣີ ປະເທດຝຣັ່ງ ໃນທ້າຍເດືອນພຶດສະພາຫາຕົ້ນເດືອນມິຖນາປີນີ້ ເນື່ອງຈາກຍັງເຈັບແອວຊໍ້າເຮື້ອມາຕັ້ງແຕ່ຕົກຮອບທີສອງ ແກຣນສະແລມທຳອິດຂອງປີ Australian Open ໃນເດືອນມັງກອນຜ່ານມາ.
ເບື້ອງຕົ້ນ ແພດ ຄາດວ່າ: ນາດາວ ອາດຈະກັບມາແຂ່ງຂັນອີກຄັ້ງໃນເດືອນມີນາປີນີ້ ແຕ່ພາຍຫລັງ ສະແກນ MRI ນາດາວ ຕ້ອງໄດ້ພັກຮັກສາອາການບາດເຈັບຕໍ່ໄປ ອົດປ້ອງກັນແຊ້ມ French Open ປີນີ້ ເຊິ່ງ ນາດາວ ເປັນເປັນເຈົ້າຂອງສະຖິຕິໄດ້ແຊ້ມລາຍການນີ້ສູງສຸດ 14 ສະໄໝ.
ຂະນະນີ້ ນາດາວ ຄອງສະຖິຕິແຊ້ມແກຮນສະແລມສູງສຸດ 22 ສະໄໝ ຮ່ວມກັບ ໂນວັກ ໂຢໂຄວິກ ໄດ້ແຊ້ມລະດັບ ເອທີພີ 70 ລາຍການ ຄອງບັນລັງມື 1 ຂອງໂລກ 209 ອາທິດ, ເປັນລາຊາຂອດດິນ ໃນສັງວຽນ ເຟັນ ໂອເພັນ ຊະນະ 112 ຄັ້ງ ຈາກ 115 ນັດ.
ສຳລັບ ເທັນນິສ ເຟັນ ໂອເພັນ 2023 ຈະແຂ່ງຂັນໃນລະຫວ່າງວັນທີ 28 ພຶດສະພາ – 11 ມິຖຸນາ 2023.