ໄບຣຕັ້ນ ແອນ ໂຮບ ອັລບຽນ ທີມຜົນງານເດັ່ນໃນ ພຣີເມ່ຍລີກ ລະດູການນີ້ ປະກາດຢືນຢັນ ຂະຫຍາຍສັນຍາສະບັບໃໝ່ກັບ ອີແວນ ເຟີກູຊັນ ກອງໜ້າດາວຮຸ່ງທີມຊາດໄອແລນ ຫຼື ອຽກລັງ ອາຍຸ 18 ປີ ອອກໄປເຖິງປີ 2028 ພາຍຫຼັງໂຊຜົນງານເດັ່ນກັບທີມ ລົງສະໜາມໃນລະດູການນີ້ 13 ນັດ ຍິງ 4 ປະຕູ, ຊ່ວຍ ໄບຣຕັ້ນ ຢູ່ອັນດັບ 8 ມີ 49 ຄະແນນຈາກ 29 ນັດ ຕາມຫຼັງ ອາເຊນໍລ ທີມນໍາຢູ່ 26 ຄະແນນ ແລະ ຕາມຫຼັງ ແມນຢູ ທີມອັນດັບທີ 4 ຢູ່ 10 ຄະແນນ ແຕ່ວ່າແຂ່ງໜ້ອຍບກວ່າ 1 ນັດ.
ອີແວນ ເຟີກູຊັນ ຍ້າຍຈາກ ໂບຮີມຽນ ສະໂມສອນຊື່ດັງໃນລີກສູງສຸດປະເທດໄອແລນ ມາຮ່ວມທັບ ໄບຣຕັ້ນ ໃນປີ 2020 ຜ່ານມາ, ສ່ວນໃນນາມທີມຊາດໄອແລນ ແຕ່ປີ 2022 ລົງສະໜາມ 4 ນັດ ຍິງ 2 ປະຕູ.
ສະໜັບສະໜູນການລາຍງານຂ່າວ: Evo Store – ອີໂວ ສະຕໍຣ໌
Photo: Brighton & Hove Albion