ການແຂ່ງຂັນເຕະບານ ຢູຟ້າ ແຊ້ມປ້ຽນລີກ ເພດຍິງ ລະດູການ 2022-23 ຮອບ 8 ທີມສຸດທ້າຍ ນັດທີສອງ ຄືນວັນທີ 29 ມີນາຜ່ານມາ, ທີມຍິງ ບາຣເຊໂລນ້າ ແຊ້ມ 1 ສະໄໝ ເປີດບ້ານຖະຫລົ່ມ ໂຣມ້າ 5-1 ລວມຜົນສອງນັດ ບາຣຊ້າ ຊະນະ 6-1 ເຂົ້າຮອບຮອງຊະນະເລີດ ລໍຖ້າພົບກັບຜູ້ຊະນະລະຫວ່າງ ໂອລິມປິກ ລີຢົງ ແຊ້ມເກົ່າ ຫລື ເຊວຊີ ທີ່ຈະແຂ່ງຂັນໃນຄໍ່າຄືນນີ້ ເວລາ 2:00.
ຂະນະທີ່ ທີມຍິງ ອາຣເຊນໍລ ແຊ້ມ 1 ສະໄໝ ເປີດບ້ານເອົາຊະນະ ທີມຍິງຂອງ ບາເຢິນ ມິວນິກ 2-0 ລວມຜົນສອງນັດ ອາຣເຊນໍລ ຊະນະ 2-1 ເຂົ້າຮອບ 4 ທີມສຸດທ້າຍ ລໍຖ້າພົບກັບຜູ້ຊະນະລະຫວ່າງ ໂວຟບວກ ແຊ້ມ 2 ສະໄໝ ຫລື ປາຣີ ແຊັງແຊກແມັງ ທີ່ຈະແຂ່ງຂັນໃນຄໍ່າຄືນນີ້ ເວລາ 23:45.
ສະໜັບສະໜູນການລາຍງານຂ່າວ: Evo Store – ອີໂວ ສະຕໍຣ໌
Photo: UEFA Women’s Champions League