ມາກ ອາວເລນ ແຊ້ມເກົ່າ ແຊງຊະນະ ຈູ ເຢ້ຍຫລົງ 9-4 ເຟຣມ ປ້ອງກັນແຊ້ມ ສະນຸກເກີ Northern Ireland Open 2022

ມາກ ອາວເລນ ນັກສະນຸກເກີ ມື 10 ຂອງໂລກ ຊາວໄອແລນເໜືອ (ອຽກລັງເໜືອ) ກາຍເປັນນັກສະນຸກເກີ ຄົນທີສອງ ທີ່ສາມາດປ້ອງກັນແຊ້ມ ສະນຸກເກີລະດັບໂລກ ລາຍການ Northern Ireland Open ທີ່ບ້ານເກີດ ນະຄອນຫລວງ ເບວຟາດ, ປະເທດໄອຣແລນເໜືອ ພາຍຫລັງຮອບຊິງຊະນະເລີດປີນີ້ ແຊງຊະນະ ຈູ ເຢ້ຍຫລົງ ຈາກຈີນ ມື 23 ຂອງໂລກ 9-4 ເຟຣມ ຕາມຫລັງກ່ອນ 1-4 ເຟຣມ ຈາກນັ້ນກວາດ 8 ເຟຣມລວດ ປ້ອງກັນແຊ້ມໄດ້ສຳເລັດ.

ອາວເລນ ຄວ້າແຊ້ມສະນຸກເກີ ລະດັບສະສົມຄະແນນໂລກ ເປັນລາຍການທີ 7 ໃນອາຊີບ ຮັບຂັນແຊ້ມ ພ້ອມເງິນລາງວັນ 80,000 ປອນ, ສ່ວນຮອງແຊ້ມໄດ້ຮັບເງິນລາງວັນ 35,000 ປອນ, ສ່ວນລາງວັນເຂົ້າເບຣກສູງສຸດເປັນຂອງ ຫລີຫາງ ຈາກຈີນ ເກັບໄດ້ 141 ຄະແນນ ຮັບເງິນລາງວັນ 5,000 ປອນ.

ສະນຸກເກີລະດັບໂລກ ລາຍການຕໍ່ໄປ ແມ່ນລາຍການ ແຊ້ມປະທະແຊ້ມ ຫລື Champion of Champions ຈະແຂ່ງຂັນວັນທີ 31 ຕຸລາ – 6 ພະຈິກ 2022 ຢູ່ໂບຕັນ ປະເທດອັງກິດ ຊິງເງິນລາງວັນລວມ 440,000 ປອນ ແຊ້ມຈະໄດ້ຮັບ 150,000 ປອນ.

Photo: World Snooker Tour

Leave a Reply

Your email address will not be published.